دەربارەی زانکۆی چەرمۆ
پ.ی.د. هەڵەت رشید عبدالله - سەرۆکی زانکۆی چەرموو
- زانکۆی چەرموو ناوەندێکی فێرکاری و پەروەردەییە کە گرنگی بە پەرەپێدانی کەسایەتی خوێندکاران دەدات لە ڕووی هزری، پیشەیی و ڕۆشنبیرییەوە. زانکۆکەمان هەوڵ دەدات بیرۆکەی پێکەوەژیان و ڕێزگرتن لە جیاوازییەکان بەهێز بکات. لە ڕێگەی بەرنامە ئەکادیمییە هاوچەرخەکانمانەوە، دەرفەتی جۆراوجۆر بۆ خوێندکاران دەڕەخسێنین تا لە بوارە پسپۆڕییەکانیاندا پێشبکەون و شارەزاییان پەرە پێ بدەن لە ڕێگەی کەشێکی گونجاوی فێربوون.
دیدگا
ئەرکە سەرەکییەکەمان پێگەیاندنی کەسانی پسپۆر و شارەزایە لە بوارە جیاوازەکاندا، بۆ ئەوەی پێداویستییەکانی بازاڕی کار لە هەرێمی کوردستان بەگشتی و ناوچەی گەرمیان بەتایبەتی دابین بکەین. لە داهاتوودا، پلانمان هەیە بۆ کردنەوەی بەرنامەکانی خوێندنی پیشەیی و خوێندنی باڵا کە لەگەڵ پێداویستییە هاوچەرخەکان و داواکارییەکانی بازاڕی کار بگونجێن. ئامانجمان بەرزکردنەوەی ئاستی زانستی و پیشەیی گەنجەکانمانە بۆ دروستکردنی داهاتوویەکی گەشتر.
ئامانج
زانکۆکەمان بەردەوام هەوڵ دەدات بەرنامەی خوێندنی پیشەیی و باڵا پەرە پێ بدات بەپێی پێداویستییە هەنووکەییەکانی بازاڕی کار. ئامانجمان بەهێزکردنی توانا و شارەزایی گەنجەکانمانە بۆ دروستکردنی داهاتوویەکی پڕۆفیشناڵ و سەرکەوتوو.
زانکۆی چەرموو متمانەی پێبەخشراوە وەک دامەزراوەیەکی ئەکادیمی لە لایەن هەردوو وەزارەتی خوێندنی باڵاو توێژینەوەی زانستی حکومەتی عێراقی فیدراڵ لە ساڵی ٢٠٢٤ وە، وەزارەتی خوێندنی باڵاو توێژینەوەی زانستی حکومەتی هەرێمی کوردستان- عێراق لە ساڵی ٢٠١٤ وە
.jpg)
