سەنتەری زمان و ڕاوێژکاری پابەندە بە نایابیی لە فێرکردنی زماندا، بە ڕێنمایی توێژینەوەی هاوچەرخ و فێربوونی بەردەوام ، هەم لە ناو پۆل و هەم لە دەرەوەیدا. لەگەڵ ئەوەشدا، سەنتەری زمان و ڕاوێژکاری خۆی تەرخان کردووە بۆ پێشکەشکردنی خولەکانی زمان بە کوالێتی نایاب، بۆ پشتیوانیکردنی بەشداربووان لە پەرەپێدانی تواناکانیان. لە ڕێگەی دامەزراندنی وانەبێژی لێهاتوو و دڵسۆز  و پەیڕەوکردنی پڕۆگرامێکی خوێندنی پتەو و گشتگیرەوە،  ژینگەیەکی نموونەیی بۆ پێشکەوتنی خێرای زمان دەڕەخسێنێت. جێی سەرنجە، سەنتەرەکە خولەکانی زمانی ئینگلیزی، فارسی، و عەرەبی پێشکەش دەکات. دوای تەواوکردنی هەر خولێک، سەنتەرەکە بڕوانامە دەبەخشێتە بەشداربووە سەرکەوتووەکان.

·   ئێمە هیوادارین:

•     فەراهەمکردنی کەشێکی خوێندنی نایاب بۆ فێربوونی زمان بۆ هەموو ئەندامانی زانکۆ.
•     سوود وەرگرتن لە نوێترین ڕێبازەکانی وانەوتنەوە بۆ پەرەپێدانی کەرەستەکانی فێرکردن .
•    بانگەشەکردن بۆ فێربوونی زمان و دابینکردنی دەرفەتی خوێندنی زمان لە زانکۆ بۆ خوێندکاران.فێرکردنی زمان و ئاشناکردنی خوێندکاران بە کارامەییە سەرەکییەکانی زمان (واتە: قسەکردن، گوێگرتن، نووسین، خوێندنەوە، ڕێزمان).
•    هەوڵدان بۆ دروستکردنی هەماهەنگی کاریگەر لەگەڵ سەنتەرەکانی زمان لەسەر ئاستی ناوخۆیی و نێودەوڵەتی، و پەیمانگاکان، بە مەبەستی دابینکردنی ئەو پشتگیرییەی کە پرۆسەی فێرکردن بەهێز دەکات.
•     پێشکەشکردنی خولی زمانی ئینگلیزی بۆ ئەو خوێندکارانەی کە دەیانەوێت ئاستی زمانی ئینگلیزییان بەرز بکەنەوە بە مەبەستی سوودوەرگرتن لە سەرچاوە ئینگلیزییەکان و نووسینی توێژینەوە و بابەتی ئەکادیمی.
•     پێشکەشکردنی خولی فێربوونی زمانەکانی ئینگلیزی، فارسی، و عەرەبی بۆ ستافی زانکۆ.
•     وەرگێڕانی بەڵگەنامە و چالاکییەکانی زانکۆ.

سەنتەرەکە هەوڵ دەدات پێگەی خۆی وەک یەکێک لە سەنتەرە چالاکەکانی بواری فێرکردنی زمان لە هەرێمدا جێگیربکات. ئامانجیەتی ڕۆڵی زانکۆ لە پەرەپێدانی کۆمەڵگەدا چالاک بکات. هەروەها هیوادارە خوێندنی باڵا لە هەرێمدا پەرە پێبدات.

لیستی ستافی سەنتەری زمان و ڕاوێژکاری