زانستە گشتییەکان

بەشی زانستە گشتییەکان لە ساڵی ٢٠١٠ وەک یەکەم بەش لە کۆلێژی پەروەردەی بنەڕەتی ئەوکات - چەمچەماڵ سەر بە زانکۆی سلێمانی دامەزراوە. یەکەم گروپی خوێندکارانی DGSC لە ساڵی خوێندنی 2011-2012 وەرگیراون و لێرەوە یەکەم گروپی دەرچووی بەشەکە لە ساڵی 2015-2016 بووە.

 دەرئەنجامی فێربوون

چاوەڕوان دەکرێت دەرچووان:

١- تێگەیشتنێکی باشیان هەبێت لە زانیاری و لێهاتوویی پەروەردەیی کە پێویستە بۆ مامۆستای قوتابخانەی بنەڕەتی.

٢- تێگەیشتن لە چەمکە سەرەکییەکان و هەروەها دۆزینەوە تیۆری و پراکتیکیەکان لە زانستە گشتی و سروشتییەکاندا.

٣- توانای بەکارهێنانی بیرکردنەوەی ڕەخنەگرانە و توانای چارەسەرکردنی کێشەی کارامە لە بوارە جیاوازەکانی زانستدا.

٤- ڕۆحی کاری گروپی پەرەپێدراویان هەبێت بۆ کاری تیمی لە پۆل و تاقیگەکاندا.

٥-  توانای بەکارهێنانی ئامێرە زانستییە مۆدێرنەکان بۆ مەبەستی شیکردنەوە.

٦-  تێگەیشتنێکی ڕوونیان هەبێت لە کێشە ژینگەییەکان کە ڕووبەڕووی مرۆڤایەتی دەبێتەوە.

 شێوازی وانەوتن

پرۆسەی بۆلۆنیا لە م بەشەدا پەیڕەو دەکرێت. هەموو کۆرسەکان لە ڕێگەی وانە، فێرکاری، وۆرک شۆپ، تاقیکردنەوە، ئامادەکردنی ڕاپۆرت، دیزاینی پۆستەر، پێشکەشکردنی زارەکی، کاری مەیدانی...هتد، دەوترێتەوە و پێشکەش دەکرێن.

 کۆرسی ئەکادیمی

●       زمانی بەکارهێنراو لە بەش

زمانی فێرکاری لە DGSC ئینگلیزییە بۆ هەموو کۆرسەکان، تەنها چەند کۆرسێک نەبێت کە زمانی خوێندن کوردییە.

●       ماوەی خوێندن لە بەش

بڕوانامەی بەکالۆریۆس لە بەشەکەدا پرۆگرامێکی هەشت وەرزی (چوار ساڵە)یە.