زانــکۆی ســلــێمـانـی بە هەماهەنگی دامەزراوەی سەرۆک جەلال تاڵەبانی و هەر یەک لە زانکۆکانی: (کۆیە، ڕاپەڕین، هەڵەبجە، گەرمیان، پۆلیتەکنیکی سلێمانی، پۆلیتەکنیکی گەرمیان، کۆمار، تیشکی نێودەوڵەتی، قەیوانی نێودەوڵەتی، زانکۆی جیهان ـ سلێمانی و زانکۆی چەرموو) بە دروشمی (سەرۆک مام جەلال ڕاستی و هەڵوێستە مێژووییەکان) یەکەمین کۆنفڕانسی زانستیی نێودەوڵەتی سەرۆک جەلال تاڵەبانی ئەنجامدەدات.
كۆنفڕانسەكە، بەسەرپەرشتی (پڕۆفیسۆر دكتۆر كۆسار محەمەد عەلی) سەرۆكی زانكۆی سلێمانی‌ و باڵیۆز (دکتۆر محمد صابر اسماعیل) سەرۆکی دامەزراوەی سەرۆك جەلال تاڵەبانی، لە ڕۆژانی (٣ و ٤)ی تشرینی یەكەمی ٢٠٢٥ لە هۆڵەكانی كۆنگرێسی زانكۆی سلێمانی بەڕێوەدەچێت، كە هاوكاتە لەگەڵ هەشتەمین ساڵیادی كۆچی دوایی سەرۆك مام جەلال
كۆنفڕانسەكە، (نۆ) تەوەری زانستی دەربارەی (ژیاننامە‌ و كەسایەتی سەرۆك مام جەلال، ڕەهەندی سیاسی‌ و هزری‌ و شۆڕشگێری سەرۆك تاڵەبانی، ڕۆڵی لە چەسپاندن‌ و سەروەری یاسا، ڕۆڵ‌ و كاریگەری سیاسەتی سەرۆك مام جەلال لە گرنگیدان بە پرس‌ و مافەكانی ژنان، كاریگەرییە ئەرێنییەكانی لەسەر سەقامگیری‌ و هاوسەنگیی سیاسی لە هەرێمی كوردستان‌ و عێراق، ڕۆڵی لە بواری پەروەردە و خوێندنی باڵا، ڕۆڵی لە بەدەستهێنان‌ و دابینكردنی مافەكانی نەتەوەی كورد لە هەر چوار پارچەكەی كوردستان‌ و مافی نەتەوەكانی ترو كەمایەتییەكان لە عێراقدا، ڕۆڵی لە ڕەوتی ئازادی ڕادەبڕین‌ و مافی مرۆڤ‌ و ئازادی میدیا‌ و چاپەمەنی لە هەرێمی كوردستان‌ و نەخش‌ و جێدەستی لە بواری سیاسی‌ و دبلۆماسیەتی گشتیدا) لەخۆدەگرێت.
کاتە گرنگەکانی کۆنفڕانس
١٦/ ٠٢/ ٢٠٢٥ ڕاگەیاندنی کۆنفڕانس.
٢٢/ ٠٤ / ٢٠٢٥ کۆتا کاتی وەرگرتنی پوختەی توێژینەوەکان.
٢٠٢٥/٠٥/٠١ وەڵامدانەوەی پوختە پەسەندکراوەکان.
٠١ / ٠٨ / ٢٠٢٥ دوا کات بۆ ناردنی توێژینەوەکان بە تەواوکراوی.
٠١ /٠٩ / ٢٠٢٥ ڕاگەیاندنی توێژینەوە پەسەندکراوەکان.
٣ – ٤/ ١٠ / ٢٠٢٥ ئەنجامدانی کۆنفڕانس لە زانکۆی سلێمانی ــ هۆڵەکانی کۆنفڕانس دەبێت.
جێی باسە، یەكەمین كۆنفڕانسی زانستیی نێودەوڵەتیی سەرۆك جەلال تاڵەبانی لەلایەن حەوت لیژنەوە بەڕێوەدەبرێت، كە بریتین لە لیژنەكانی (زانستی، ئامادەكاری، ڕاگەیاندن‌ و (IT)، ڕاوێژكاری، پەیوەندی‌ و پڕۆتۆكۆل، ئەندامانی زانكۆ هاوبەشەكان‌ و دارایی). بەمەبەستی وەگرتنی زانیاری زیاتر لەسەر ئامانجەكانی كۆنفڕانسەكە و وردەكاری زیاتر، توێژەران‌ و بەشداربووان دەتوانن لەم وێبسايتە تایبەتەدا بەدواداچوونی زیاتر بكەن
https://pjtconference.univsul.edu.iq/