زانكۆی چه‌رموو: له‌ یادی ڕۆژنامه‌گه‌ریی كوردیدا پانێڵێک به‌ڕێوه‌چوو

ڕۆژی سێشەممە، ڕێکەوتی (2025/4/22) به‌ ئاماده‌بوونی د. هه‌ڵه‌ت ڕه‌شید - سه‌رۆكی زانكۆی چه‌رموو، ڕه‌مک ڕه‌مه‌زان – قائمقامی قه‌زای چه‌مچه‌ماڵ و ڕاگری كۆلێژی په‌روه‌رده‌ ژماره‌یه‌ک له‌ مامۆستایان و فه‌رمانبه‌ران و خوێندكاران، بەشی زمانی کوردیی لە کۆلێژی پەروەردەی زانکۆی چەرموو له‌ یادی (127)مین ساڵەی ڕۆژنامەگەری کوردییدا  پانێڵێكی زانستیی ڕێكخست.

پ.ی.د.سۆزان سەعدوڵڵا مامۆستا له‌ به‌شی كوردی به‌خێرهاتنی ئاماده‌بووانی كرد و ئه‌م ڕۆژه‌ی له‌ سه‌رجه‌م ڕۆژنامه‌نووسان پیرۆزكرد، پاشان پ.د.خەلیل ڕەشید - ڕاگری كۆلێژی په‌روه‌رده‌ وته‌یه‌كی پێشكه‌شكرد و ده‌ستخۆشی له‌ ڕێخه‌رانی چالاكییه‌ زانستییه‌كه‌ كرد.

 دواتر پانێڵه‌كه‌ پێشكه‌شكرا له‌لایه‌ن:

 ــ پ. د.سەباح موسا، ناونیشانی باس: ڕۆژنامەوانی کوردی و بیری کوردایەتی.

ــ لەتیف فاتیح، ناونیشانی باس: ڕۆژنامەگەری و گەشەکردنی بیری سیاسی کورد.

ــ پ.د.سامان عیزه‌دین، ناونیشانی باس: ڕۆژنامەگەری کوردی لە میقداد بەدرخانەوە بۆ پیرەمێردی شاعیر.

پاش گفتووگۆی ئاماده‌بووان، سوپاسنامه‌ پێشكه‌شی توێژه‌ران و ڕێكخه‌رانی یاده‌كه‌ كرا.

 

.

 

وێنه‌: وهاب ئه‌حمه‌د